Zazaki
|
Türkçe
|
Deutsch
|
English
.de
 
  • ⌂
  • Zıwan
    • Zıwanê ma
    • Namey Zazaki
    • Goşey domanan
    • Ornagê dawetiya
    • Qısebendi
  • Kultur
    • Kultur sero
    • Adet u tore (Sêwrege)
    • İtıqad, duay
    • Kay u wext ravêrdene
    • Namey taê çiyan
    • Nan u sole
    • Nuştey kılam u deyran
  • Welat
    • Dewi, Qezey, Sûki
    • Şarê ma
  • Tarix
    • Tarixê Zazayan
    • Dosyay terteley
  • Edebiyat
    • Kıtabi
    • Pêserokê ma
    • Şiiri
    • Şanıki
  • Nuştey
    • Beyanati
    • Genel
    • Meqaley
    • Nuştoği
    • Reportaji
  • Medya
    • Resmi
    • Videoy
    • Xeberi

Adet u tore (Sêwrege)

Dost u embazêno, nuştoğ u wendoğêno, şıma zanê her şar bı zıwan u kültürdê xo ya pêra yeno abırnayenı. Qe ê şarê çaredê cı dı nênuşneno ka no Almano, Emeriqano, İngılızo, Erebo, Tırko nêza çıçiyo. Şıma zanê lezo en gırd lezê zıwandê kesi, sınasnamedê kesi, welatê kesi, kültürdê kesi u herwınayo. Xoverdayena gırsı naya, ê nê çiyana. Şıma zanê zıwan bahro, bêbıno u kesi bınê cı nêdiyo. Veri xeylê şaran, mesela Tırkan u Kürdana qürfê xo bı maya kerdê u vatê zıwanê şıma çend qıseyo. Labırê ewro kes nêşeno na juwerı ma rê vajo. Newe bı seyana, bı hezarana wendoğ u nuştoğê ma estê. Bı seyana kıtabê ma estê.
Na ju zi vanê kes xo vira nêkero. En weş kes derd u külanê xo, şewatey zerida xo, heskerdena xo, sinayena xo, meramê zeri u ê pizedê xo ancax bı zıwandê marda xo ya bêqısur ano zıwan. Zıwanê kesi bıbo kes bılbılo, zıwanê kesi çınêbo kes lalo. Çiyo kı kesi tariyey ra vejeno roşnayi zıwanê kesiyo. Qandê coy ez zaf u zaf qimet dana, zıwandê xo, şardê xo, welatê xo, kültür, edet u toreyandê xo. Ez zana heme zey mınê u mı ra vêşiyê. Labırê vanê kes na heskerdena xo xo pizedı nêverdo u bıdo teber. Bınuşno u xet kero. Na ju wezifey ma yo. Mı na des-pancês (10-15) seran miyan dı nezdi vist (20) kıtaban nuşnayê. Ninan ra hewt teney çap biyê ê bini zi vınderdeyê. Ê kı çap biyê ê hemını zi perey çapkerdenı u postaya olvazan rê rı’tenı heme bı qırda xo ra bırnayê u dayê. Ez texmin kena tay bo zi, kemi bo zi mı wezifey xo hemberdê şardê xo dı ardo ca. Kam çı nengi çineno wa bıçino, kam se vano wa vajo. Dewa kı asena ayrê qılawız lazım niyo. Heme çi meydan dı ro. Semedê mınê nê nuşti nuşn!
ayenı, gazınê mı estê u ez wazena her şarê ma bı zıwandê xo ya çi bınuşno. Heme çi ma vejo awı ser u zelal kero. Şıma çıçi zanê ey bınuşnê, wa şarê bini bı maya qürfanê xo nêkerê. Kes gazınanê xo şardê xo rê keno. Ma yê kedı (emeg) danê u nuşnenê, belki qe keso zi nêwaneno u keda ma ya veng şına. Beno tey kemey u şaşey bıbo. Labırê ma dest ra hend yeno.
Bımanê war u weşey dı.

Koyo Berz

Articles
Sernuşte Nuskari Diyae
Çarşemeyo siya (Kara Çarşamba) Koyo Berz 1423
Dayena qeçkan Koyo Berz 1401
Hewadayena cenazan Koyo Berz 1431
Kerge u veyvey kerge kerdenı Koyo Berz 1374
Kıncı rıjnayenı Koyo Berz 1374
Kombiyayena şew; şêlig u şahiyan Koyo Berz 1363
Peme vetenı u cınayenı Koyo Berz 1364
Piyakerdena dewıjan Koyo Berz 1367
Roşani Koyo Berz 1380
Şin u rocey dıwês imaman u vıraştena Eşuri Koyo Berz 1339
Sirık rıjnayenı Koyo Berz 1337
Sınet u kerwayinı Koyo Berz 1351
Tay roşanê amnani Koyo Berz 1374
Tewaf kerdena ziyaret u tırban Koyo Berz 1348
Veyvey bılğülan Koyo Berz 1312

Riperr 1 riperr 2 ra

  • 1
  • 2

Vıraştoğê riperri:

Mesut Keskin & Hesenê Reqasa.
İrtıbat: keywa@zazaki.de