bezna to rındeka

qewaxa mina rêza

çênê, ma newe ameyme

nêzoneme hal u usılê na qeza

 

Pılemoriye de reqi sımıto

sate howt u nêma,

terkıt u amune naza

mıno da çêveri ro

vana, »lao tıya kama?«

tezelê tüyê sey rê, -melem melem-

Kivarê m’ meymanê naza.

 

heyi heyi heyi

sair dosto heyi

di-rê teney dota yenê

yarê mıno teyi

qedaê roê xo bıjêri

urjine ra, ver voz di, şêri

uşira deşti bıjêri

biari xo rê meyman keri

sono tari nao ame

caê xo benu bonê peyi

xeylê oxto ma jümini nêdiyo

emsu vera xorê sonu kunu peyi

des u dı cay poro filıko

gerdanê şişi sero kenu leteyi

çênê, rozê çımê ma era to nêgıneno

Heq adırê na qurvete wedaro

zerre ma zerre de nêmaneno, beno leteyi

 

serê surota to vêseno

saa ke dare ra resa

çênê, Xızır xatırê na göyıli wedaro

xevera ma zerri u göyılê to ra esta

lao, qedaê to bıjêri

xevera mı ki zerri u göyılê to ra esta

lao, qedaê to nêcême

serra tenganiya, lewê mao to dest’a

şiliye sano kou, laşêri kerdê çhemu

ağwe ama şiya, derê Heyderu de vıneta

Qemer, Qemer!..

ae ki derdê mın u to rowale gos da

 

koê serê ma persena

erê, kap u na rıvêşi

sosına mı usar nao ame

fetelinê şix u dewrêşi

di-rê fızıli dewa sıma de estê

çênê, se kon ke dormê ma ra nêşiy

heserê göyıli sano mı

no ondêr göyılo, kivar kivar

çênê, kon kon, ver avorde nêşi

 

het: Pılemoriye

vatoğ: Qemero Areiz

çıme u nuştoğ: Hawar Tornêcengi