ya Bavaê m’, Bava Khali, pirê talıv u yeli
nêzon, ewro Bavaê mı ra ça koto ve düri
qılawuzê Hewsê Tavura Qızılbeli
ya Bavaê m’ Bava Khali, pirê talıv u yeli
dem u dewranê Sa Uşên Begi sero
çewrê xo çewrê Zılfeqarê Eli
bavaê mı ke niştêne phıştia astorê qıri
caru merdena Heqi nêardêne ra xo viri
dew u timarê çê Sa Uşên Begi sero
çerexiyêne, perri kuyêne, jê heliyê çhali
ya Bavaê m’ Bava Khali, pirê talıv u yeli
dem u dewranê Sa Uşên Begi sero
çewrê xo çewrê Zılfeqarê Eli
cêr lıngi sanêne hardo dewrês
sare dardêne we
cor xo sero puf kerdêne asmêno khewe
çewr u çığırê Bavaê mı
roştia çıla u asma sewe
dewız u morevau rê adet u toreo newe
ya Bavaê m’ Bava Khali, pirê talıv u yeli
dem u dewranê Sa Uşên Begi sero
çewrê xo çewrê Zılfeqarê Eli
het: Qızılbel-Pılemoriye
Arêker: Daimi Cengiz
