Keyê ma panc wedey, mıtfaxı, awdazxane, keraşo (wedey xo şıtenı), eywanı u herwına wıraşten ra ameyo meydan.
| 1. Wedey Meymanan | misafir odası |
| 2. Wedey keynan, cıniyan | kadınların, kızların odası |
| 3. Wedey lacan | erkek çocukların odası |
| 4. Wedey rakewtenda May i Pêrdê kesi | anne babanın yatığı oda |
| 5. Wedey ronıştenı | oturma odası |
| 6. Mıtfaxı | mutfak |
| 7. Wedey xo şıtenı (keraşo) | banyo |
| 8. Awdazxane | tuvalet |
| 9. Eywanı | balkon gibi yer |
| 10. Cay fekdê kêberi, sewl u herwına | kapı ağzı, ayakabı yeri vesaire |
1. Wededê meymanan dı qandê rakewtenda meymanan ca, werti u herwına esto. Bê ninan qandê şınayê xo dekerdenı yan zi dardakerdenı dolab, dardalığ u herwına estê. Wededê meymanan dı qandê xoradayenda meymanan, balışney, yastıği, doşegi, werğan u bataniyey estê.
2. Wedeyê rakewtenda keynan, wedeyo kı keyney ê keyi tey rakewnê ê wedirê vanê wedey keynan. Wededê keynandı zi qandê sero rakewtını, xoradayenı, xopaykerdenda keynan çıçi lazımo esto. Qandê çınay xo dekerdenı, darda kerdenı, hewadayenı u herwınay zi dolab u çiyo zey inan esto. Eger wedey cı hera u gırd bo u cay cı teng nêbo çiyo zey kıtablıği zi tey esto.
3. Wedey lacan zi zey ê keynano.
4. Wedey rakewtenda may u pi dı zi zey ê binan qandê rakewtenı, xoradayenı, çınay xo dekerdenı, werti xo tey ronayenı u herwına çıçi lazımo u çıçi debeno esto.
5. Wedey ronıştenı: Wededê ronıştenı dı xeylê çi keyiyo terwende, bıqimet, gırd u vayın ca gêno. İnan ra taydê cı nêyê:
a) Televizyon, b) Kıtablığ, c) Paştkürsi (qoltığ), ç) masa yan zi masey werdiyê nızmiyê sero çi ronayenı, çay şımıtenı u herwına, d)Wazoy, Resımi (Wêney); tawley u herwına çiyê dêsa darda kerdenı yan zi dolaban sero ronayenı, e) Vıllıki u çiyo zey vıllıano bırengo rengın u xasekıni, f) Dolabê müzigi, teyb, radyo u herwına, g) seatê dêsa dardakerdenı u çiyo zey inan, h) Awizey u lambay weşê qimetıni, i) Perdey u çiyê zey perdan, j) xali, cıli, keçey, şıqi, külawi u herwına çiyê erdo rakerdenı.
