bıra kılmo, kılmo, way lemınê,
kılmo dımê na dewrani kılmo
sari rê çaê hente dergo,
ma rê çaê hente kılmo?
bıra tici eşto, lemınê, na homete
şêxi o dewrêsan’a
veciyê reca o mınete
mınete qebul nêkeno,
mıhemedo ke erzeno homete
bıra kılmo, wax lemınê, kılmo,
kılmo dımê na dewrani kılmo
sari rê çaê hente dergo,
ma rê çaê hente kılmo?
verê çêberê miri ro sona,
mı va, erxa vae
mı va, mirê mı zaf nêweso,
Elçi bırusnê Hesenqajiye, xanıma wae!
Jüyê nawa berbena, dana xo ro, êna,
ez vaci, xanıma wae.
xanıme vana, “isê bıraê mı biyo, lemınê,
kerdo yolçiyê rae”
bıra kılmo, wax lemınê, kılmo,
kılmo dımê na dewrani kılmo
sari rê çaê hente dergo,
ma rê çaê hente kılmo?
mire vano, “ez merdena xo ver nêkuno,
mı ra tepia manê düwaran ver de”
Vatoğ: Usên Doğanay
het: Xozat
