Nişime ma, ita viyme
Nat u bot u dota viyme,
Ge kıla adırê kou de viyme
Ge hêrsê çhemê Muzıri de viyme
Cendegê khalıkunê mao dare de
Roê khalıkunê mao na canê ma de
Dêsım hao naleno, veng dano gos bıde
Jü roşti bereqina, çımê dergusa Kırmanci de
Roê khalıkunê xo ma guret ve roê xo
Diyağê dergusa xo, ma guret ve canê xo
Tım jiari u diari ma sanay ve phoştia xo
Heni ameyme ma, ameyme ameyme
Eve filıska qersunu
Eve tersê zerria dısmenu
Eve govendu, eve sımşêru
Ameyme
Kırmanciye welatê mawa
Kutıku rê halete niya
Kes xo peyde medero, xo meonco kınare
Xeleşiyaene ma rê pia pia bena helale
Hardê dewrêşi sero ma têare de viyme
O ceneti sero ma zumuni de hast u nast viyme
Key ke fızli amey, fızılêni kerde wertê ma
Zumuni rê bime çhik, dina ra ağme biyme
Çıxaşi ke duri de vime, zerrê ma de Dêsım esto
Endi newe ra zerrê ma de jü diyağ resto
Tu ke wayirê cı mevejiyê, Dêsım domono bêkeso
Nivo nivo nivo nivo, destê dısmeni cıreso!!
Oncia piarime ma
Têare derime ma
Welati rê dêndarime ma
Jü mijdania ma esta
Hardo dewrês pêheşiyo
Yeme yeme yeme, ma ameyme ameyme
Serva çımunê hêstırınu
Serva mezela pi u khalıku
Serva xatırê jiar u diaru
Ameyme
Kılam u Qeyde: Mem (Zelemele)
