usar nao yeno
daê ve qurva’ hêdi hêdi
nê vano, daê, Haqi kena, ewro çhekunê mı bıde mı
ez çhekunê xo gırê di
Khal-Mal Felek amo, şiyo semtê Pılemoriye, dewunê Erzıngani,
şêri vırêniye de vınderi
nê felekê uzağkori, daê, cênc u rowali berdi
khal u kokımi peyniye de mendi
da meso, meso
daê, dewa ma ver de hêgay
vana, bıko mı kami ra ke pers kerd
vanê, keşi felekê uzağkori de çheki gırê nêday
nê uzağkori qonağê nêçeleru rıznay,
da bıko yê zofine niznay
de meso, meso, vırêniya Khal-Mal Feleki meso
bıko Haqi kena, malê dinalige esto, kıle paniso, bıvêso
keşi ne werdo, ne ondêr tey berdo
paizo sewtimal nao ame, daê ve qurba’, bıko
dineka sewtimale biya khale
tı ke se u zu serre vınderê
peyniye de to rê ne bena mılke, ondêre ne bena male
se u zu serre bıqediyo, daê ve qurbanê to vo
kuna bınê qeretoprağe
Vatoğ: Aliyo Sap
Qeyd: 1987
