Yazı ture bı perandê asınênana u bı makana kay beno. Kıştêda peredê asınêni yaziyo, kışta binı zi türeyo. Kışta kı yazi seroyo a kıştı rê vanê yazı a binı rê vanê türe. Kes na kay wına kay keno: Ê kı wazenê kay kerê, jew perey asınêni keno xo dest u ê dı kesê kı do kay kerê inan rê vano: "Şıma kam yazi kam türe wazeno. İnan waşt tepey a, o ê peri xo dest ra erzeno hewa. O pere hewa dı teqley dano xo u peyser yeno erd ro. Erdo ê kê biro o qezenc keno.
Tay qandê pê ra berdenı, pê ra werdenı na kay kay kenê kı, bena kaya xümari. Wexto kı qandê pê ra berdenı kay kerê, pereyo kı erziyayo, o kı qezenc keno ê peri gêno, yan zi hendê ê peri ey ra weno.
Yazı-Türe hım qandê kay u wext ravêrdenı, hım qandê xümarkerdenı u hım zi qandê zewbi kayan ca gırotenı u sıfte kaykerdenı kay beno u erzêno. Mesela wexto kı dı beri, dı gürübi wazenê pê dı kayê kay bıkerê u qandê sıfte destpeykerdenı yan zi cay umışê pê nêbenê, raya rıhatı, raya yazı-türe eştenı cerıbnenê. Wexto ê kê ame o cay xo gêno. Wexto kı yazı-Türe erzêno, kes kesi rê itıraz nêkeno u heqdê xo rê razi beno. Yazı-Türe cay inan u sıfte kaykerdena inan beli keno. Hıma-hıma heme kayan dı yazı-Türe yeno eştenı ka kam do sıfte destpey kero yan zi kamci kıştı dı kay kero yeno eştenı.
